اگر ریاستیں اس پر عمل سے انکار کرتی ہیں تو این پی آر کبھی نافذ نہیں ہو سکتا:پی چدمبرم

اگر ریاستیں اس پر عمل سے انکار کرتی ہیں تو این پی آر کبھی نافذ نہیں ہو سکتا:پی چدمبرم

نئی دہلی: کانگریس کے سینئر رہنما اور سابق مرکزی وزیر پی چدمبرم نے جمعرات کو کہا کہ اگر ریاستوں نے اس پر عمل درآمد کرنے سے انکار کیا تو قومی آبادی کے رجسٹر (این پی آر) کبھی نافذ نہیں ہوسکتا۔

چدمبرم نے جواہر لال نہرو یونیورسٹی (جے این یو) میں طلباء سے خطاب کرتے ہوئے کہا کہ اگر ہر ریاست کے اندر طاقت ہے تو این پی آر کو شکست ہوگی اور ریاستوں نے فیصلہ کیا کہ وہ اس پر عمل درآمد نہیں کریں گے۔ ریاستوں کی مدد کے بغیر این پی آر نہیں کیا جاسکتا۔

سابق مرکزی وزیر داخلہ نے شہریت ترمیمی قانون (سی اے اے) کو لے کر مرکزی حکومت سے بھی کہا کہ اس قانون نے ہندوستان کے ائین کی بنیاد کو کمزور کر دیا ہے۔

چدمبرم نے مزید کہا کہ انہوں نے یہ کہہ کر ہندوستان کی شہریت کی بنیاد کو کاٹ دیا ہے کہ شہریت مذہب کی بنیاد پر دی جائے گی۔ آپ شہریت کی بنیاد کو علاقے سے مذہب میں تبدیل کررہے ہیں۔

اب آپ مذہب کی بنیاد پر شہریت دے رہے ہیں یا انکار کررہے ہیں۔ انہوں نے کہا بہت سے ممالک ایسے ہیں جو مذہب کی بنیاد پر شہریت دیتے ہیں اور میں اس سے انکار نہیں کر رہا ہوں،لیکن یہ وہ بنیاد نہیں ہے جس پر ہندوستان تشکیل دیا گیا تھا۔

Read More

https://ift.tt/38qzNmb

Post a Comment

0 Comments